هیککس نؤنس مننیسم تأ نیگا گودن

هیچچه نشأ گوتن

بأزین، رافایی م دئه، پوچه

بخالئه می تاسیان

تازه'ی پا بیته..

آهنگ پیشنهادی: زمستان، تنهایی – فراز کاویانی

غروبˇ تؤمؤنأ بؤ پسی

می چوشمؤنه دوستم

                        دسه تؤدم تی خیالˇ مئن

هیستأبؤ دوأرسم

                        تی نیگا تام بزأ خیابؤنه

بوشؤم و بوشؤم و بوشؤم...

.

.

.

.

می چوشمؤنه گه وازأ گودم، دپرکسم

آخخخخ، خیال بو

                        تو پور زمت بو گه دئه نئسأبی

آهنگ پیشنهادی: کنسرتو اُبوا در سل مینور - هندل

*ايته سيأ پرده ورگده نأ شيمي جولؤ، دو نفر اون̌ پوشت گب زأرد، شو مو خالي اوشون̌ صدا و سيكار̌ بؤ، ايشتوئيدي!

 - «خألی خؤ مئنه گه تؤنی هر چئه گه جی دس بدأی، هنده بیدینی» (1)

- هرچی کوسشئر بؤته بی، ای ایته' راس بؤته.

- أهأ!

*چن ته پا صدا، بازون موتسارتˇ سرنادˇ صدا أيأ و صداي فندك....

- دوس دأری کابوس بیدینی یا رویا؟

- رویا.

- ایزه دئه فکر بوکون.

*تامتومي....

- ترسˇ جی ترسم. کابوسم ترس درأ. خألی بازون که تؤمؤنأ بؤ خورمه.

- اونˇ تؤمؤنأ بؤ پسیه گه تازه اونˇ لذت شورو بأ. تونم نوگو ترسˇ جی ترسم، بوگو زندگی جی ترسم. زندگی همیشک ترسه. هرگز فکر نوکون چیزی دوروس بیبی.

- وختی خؤˇ جی ویریسی، کابوس تؤمؤنأ بأ. امما زندگی کابوس، نه.

- زندگی کابوسم تؤمؤنأ بأ. امما هیچ تضمینی ننأ گه بازون لذتی ببری.

- نه. تازه ایته دوره تخمی دیگه شورو بأ. بأ همیشک خودکشی گودن.

- یأنی مطمئنی ای زندگی تؤمؤنأ بؤ پسی، ایته دوره دیگر نأ؟

- أهأ. اورأ همیشک خوتأیم و کابوس دئریم. أمی دس هیککسو و هییچچئه فأنرسأ. دوروس الؤنˇ مورسن کی خوسیم و کابوس دینیمی. تازه اورأ هانی بأ رافایی بکشیم تا بازون، شاید، خؤˇ جی ویریسیم. أمو میریمی چون گناه بوگودیم. ای پیله خؤ، أمی عذابه.  پس بئتره لاقل ایرأ خؤˇ مئن رویا بیدینیم.

*فندكˇ صدا....

- نؤنم.... كِشي؟

پانوشت:

1- ايته جمله نادر ابراهيمي شين

پي نوشت:

2- آهنگ پيشنهادي: Mozzart Serenade In D,KV 239

         تي صدا

     دئرم....

               چئه؟

ديوار و ديوار و ديوار....

پي نوشت: مي توانم ساعت ها، و شايد روزها و ماه و سال ها، فقط به عكس هايت خيره شوم.

چني تأ بؤتم نوشو

چني تأ بوتم بئس

هيززره تره ننأي....

مو بئسم.. بيپيستم

تو بوشؤي.. دكألستي

پيرأ بؤم

دورأ بؤي....

پي نوشت: با الهام از شعري از ورگ كه نامش را نمي دانم.

ای ازه دارˇ جیر نیشتم

                       هیتؤ، تی رافا

             امما بخالئه

                                  تو هرگز دئه

          ای هیستˇ خیابؤنˇ سر

                                           پا ننی....

پی نوشت: همراه روزهای دور، بیست و پنج سالگیت مبارک

خوتأ بؤم تی ور

                تی کشˇ مئن

می چوشمِی شؤره بو

                خوره شؤره بو

                              تی کشˇ مئن

آخر چی بؤبؤ می سر، تی شؤنه سر

                                      تی کشˇ مئن؟

شؤأ بؤ

         ابر فوتورکس

                         آسمؤن دکألس

«مو»، ایززره ایززرِی

               هوتؤ تام بزأ

                           گومأ بؤ

                                  دورأ بؤ

پا جی دکت

            هنده شؤأ بؤ

شب شد/ابر فریاد زد و حمله ور شد/آسمان فرو ریخت/من، کم کمک/ همانطور دم فرو بسته/گم شد/دور شد/از پا افتاد/دوباره شب شد

ای روزؤن....تأ یاد دیننه؟

هی روزؤن بو، لاجؤنˇ سردˇ هوا مئن

او اتاقکˇ دیمه

او کوچته بخاری أمرأ

او چا آوˇ أمرا

تی او خوجیر نیگایه أمرأ

دو سال بؤبؤ؟

هچی گی دو سال ده

دؤنی دو سال چنقدره؟